Allerru-Algeposak porrot mingarria jaso du Bekoerrotan
Porrot mingarria jaso zuen herenegun Allerru-Algeposa herriko areto futbol taldeak. Izan ere, 3-4 galdu zuen Bekoerrota kiroldegian Durangoko Sasikoa taldearen kontra. 3-0 bukatu zen lehenengo zatia, baina markagailuari buelta ematea lortu zuten bizkai...
Porrot mingarria jaso zuen herenegun Allerru-Algeposa herriko areto futbol taldeak. Izan ere, 3-4 galdu zuen Bekoerrota kiroldegian Durangoko Sasikoa taldearen kontra. 3-0 bukatu zen lehenengo zatia, baina markagailuari buelta ematea lortu zuten bizkaitarrek.
Ederki hasi zuten partida lezoarrek, lehenengo gola oso goiz sartu baitzuten, falta baten bitartez. Allerru-Algeposak kanpotarrek baino aukera gehiago sortzen zuten eta horrela lortu zuten partidako bigarren gola. Lehenengo zatia bukatzeko bost minutu falta zirela sartu zuten hirugarrena lezoarrek. Azkeneko minutuan Sasikoako jokalari batek jaurtiketa bat langara bota zuen arren, 3-0 joan ziren atsedenaldira.
Hondamendia bigarren zatian
Bigarren zatiaren hasieran etxekoak izan ziren nagusi, baina gehiegi barkatu zuten. Durangarrek ez zuten barkatu, ordea. Zatiaren erdialdean sartu zuten lehenengo gola eta piztu egin ziren. Bost minutu falta zirela sartu zuten bigarrena eta jarraian berdindu zuten. Minutu eta erdi falta zela sartu zuten laugarrena.
Porrot sinestezinaren ondoren, hamabigarren postura jaitsi dira. Burgosen dute hurrengo partida.
