Urtea bukatzeko, bi obra
Javier Jacinto musikagile trintxerpetarrak bi kontzertu emango ditu urte bukatu bitartean. Horietan bi obra entzun ahal izango dira. Bata, Ola de Bronce izenekoa, bihar interpretatuko dute Badajozeko Filarmonika Elkartearen Musika Garaikidearen Zikloar...
Javier Jacinto musikagile trintxerpetarrak bi kontzertu emango ditu urte bukatu bitartean. Horietan bi obra entzun ahal izango dira. Bata, Ola de Bronce izenekoa, bihar interpretatuko dute Badajozeko Filarmonika Elkartearen Musika Garaikidearen Zikloaren baitan. Kontzertua 20:30ean hasiko da, Badajozeko Diputazioko pleno aretoan.
Ola de Bronce obra NeoArs taldeak interpretatuko du eta Eugenio Perez tronpetaria eta Antonio Jesus Cruz pianista bakarlari gisa arituko dira.
Bigarren obra, Nueva guía pasa jóvenes orquestas, hilaren 19an emango dute, Madrilen (20:30etan, Latinarte Auditorioan). COMA Musika Garaikidearen Jaialdian estreinatu zuten Jacintoren obra hori eta izandako arrakastaren ondorioz, berriro estreinatzea erabaki dute antolatzaileek. Madrileko Unibertsitate Autonomoko orkestrak interpretatuko du.
Jacintoren obrak lau haizetara
Javier Jacintoren obrak munduko txoko guztietan entzun ahal izan dira aurten. Hala nola, Namibian, Japonian, Argentinan, Ameriketako Estatu Batuetan eta Europako hainbat tokitan estreinatu ditu bere obrak.
