Pinturas Iztietaren XV. Pintura Lehiaketa abian da
Pinturas Iztieta dendak antolatzen duen pintura lehiaketaren XV. saioa aurkeztu dute Oarsoaldeko margolarientzat. Gaia eta teknika librea landu beharko dute parte-hartzaileek, baina 81×50 zentimetroko neurria izan beharko dute gehienez lanek. Hila...
Pinturas Iztieta dendak antolatzen duen pintura lehiaketaren XV. saioa aurkeztu dute Oarsoaldeko margolarientzat.
Gaia eta teknika librea landu beharko dute parte-hartzaileek, baina 81×50 zentimetroko neurria izan beharko dute gehienez lanek. Hilaren 15a arte egongo da parte hartzeko aukera eta margolari bakoitzak lan bakarra aurkezteko aukera izango du. Margolariek pertsonalki joan beharko dute lana aurkeztera, eta kartazal itxi batean, nortasun agiriaren kopia bat sartu beharko dute.
Lanak, erakusleihoan
Aurkeztutako lanen artean, epaimahaiak finalistak aukeratuko ditu. Aukeratutako lan horiek, Pinturas Iztietak Diputazio Plazan duen dendan ikusteko aukera egongo da hilaren 17tik urtarrilaren 7ra bitarte. Epaimahaiak hilaren 27an aukeratuko ditu irabazleak.
Urtero legez, hiru mailatan banatuko da Pinturas Iztietaren lehiaketa: alde batetik, helduen maila egongo da, bestetik gazteen maila (14 eta 18 urte bitartekoentzat) eta azkenik, haurren maila.
