Ondartxo nola eraiki nahi dugu izenburupean Udalak herritarrentzako parte-hartze prozesu berria jarriko du abian. Hala iragarri zuten lehengo asteazkenean San Pedroko alkateorde Edurne Baztarrikak eta Maider Ziganda alkateak . Esan zutenez, bi parte-ha...
Ondartxo nola eraiki nahi dugu izenburupean Udalak herritarrentzako parte-hartze prozesu berria jarriko du abian. Hala iragarri zuten lehengo asteazkenean San Pedroko alkateorde Edurne Baztarrikak eta Maider Ziganda alkateak .
Esan zutenez, bi parte-hartze saio egingo dituzte. Larunbatean (hilak11) izango da lehenbizikoa, eta hilaren 18an bigarrena, 10:00etatik aurrera, San Pedroko ikastolan.
Aisiladirako eremua
Ontziolaren inguruan dagoen eremua aisialdirako berreskuratzeko asmoa du Udalak, eta horretara bideratutako ekipamendua egingo dela jasota dago Foru Aldundiarekin Udalak duen hitzarmenean. Proiektua eskatu baino lehen, ordea, bizilagunen ekarpenak bildu nahi ditu Gobernu Taldeak.
Herritarren parte-hartze errazte aldera komunikazio plana marraztu dutela iragarri zuten Baztarrikak eta Zigandak. Hala, San Pedroko postontzi guztietan gutuna banatuko dutela esan zuten. Horrez gain, kartelak jarriko dituztela barruti guztietan eta ekarpenak posta elektronikoz bidaltzea aukera emango dutela, pasaialanduz@psasaia.net helbidearen bitartez. Webgunean informazio zintzilikatu eta esku orria ere egingo dutela esan zuten.
«Parte-hartzearekin konpromiso irmoa»
Abiatzear den parte-hartze prozesu honekin Alkatetzak «parte-hartzearekin duen konpromiso irmoa» berretsi nahi du. «Erabakigunea pasaian dago eta pasaitarrek erabakitzeko gaitasuna dute» esan zuen Zigandak.
omitxelena@hitza.info
