Gerardo Herreroren ‘Picnic’ irabazi du Ikuskako film labur onenaren saria
Gerra eta gerraren ondorioak. Horixe XII. Ikuskako sari nagusia irabazi duen Picnic filmaren gaia. Gerardo Herrerok zuzendutako lana da eta istorioa Serbian kokatzen da. Lehengo larunbatean bukatu zen XII. Ikuska. Sari banaketa Trintxerpeko Alkateorde...
Gerra eta gerraren ondorioak. Horixe XII. Ikuskako sari nagusia irabazi duen Picnic filmaren gaia. Gerardo Herrerok zuzendutako lana da eta istorioa Serbian kokatzen da.
Lehengo larunbatean bukatu zen XII. Ikuska. Sari banaketa Trintxerpeko Alkateordetzan egin zen, sarituetako asko bertan zirela. Saritutako lan guztiak bigarrenez ikusteko aukera izan zen XII. Ikuska ixteko ekitaldian.
Zuzendari onenaren saria, aurten, David Morenorentzako izan da, umorezko Socarrat filmarengatik. Aktore onenen saria, berriz, Mariano Llorenterentzako eta Manuela Burlorentzako izan dira. Mariano Llorente El cortejo filmean egiten duen lanarengatik saritu dute, eta Manuela Burlo, berriz, Camas filmean egindako paperengatik irabazi du saria.
Sail ofizialetik at, bi sari banatzen ditu Ikuskak. Xabier Portugal Saria, Gipuzkoako lan onenari ematen diote eta aurten Enara Goikoetxearen Bizitzako kopa filmarentzako izan da. Azkenik, ikusleen saria Jose Luis Montesinosek zuzendutako La historia de siempre lanarentzako izan da.
