Buletin elektronikoa bidaltzen hasi da Gazte Informazio Bulegoa
Gazte Informazio Bulegoa zerbitzu berria eskaintzen hasi da: Gazte Buletin Elektronikoa. Astean behin, ostiralero, bidaliko dituzte posta elektronikoz Oiartzungo eta Gipuzkoako beste herrietan egon daitezkeen intereseko berriak harpidetzen diren gaztee...
Gazte Informazio Bulegoa zerbitzu berria eskaintzen hasi da: Gazte Buletin Elektronikoa. Astean behin, ostiralero, bidaliko dituzte posta elektronikoz Oiartzungo eta Gipuzkoako beste herrietan egon daitezkeen intereseko berriak harpidetzen diren gazteei (beka deialdiak, aisia agenda, lan eskaintza, herriko berriak…).
Posta elektronikoan buletina jaso ahal izateko doako harpidetza egin beharko dute aurrez interesa duten gazteek. www.gipuzkoangazte.info webguneko Harpidetza atalean Buletin Elektronikoa sailera jo behar dute horretarako. Datuak bete (herria eta posta elektronikoa sartu) eta harpidetu izanaren mezua norberaren posta elektronikoan jasotzean, baieztatzea baino ez da egin behar.
Era berean, Oiartzungo gazteentzako interesgarriak izan daitezkeen albisteak dituztenek gazteinfo@oiartzun.org helbidera deialdiak bidal ditzaketela gogorarazi dute Gazte Informazio Buelgotik.
Gazte Informazio Bulegoko kudeatzailea arduratuko da horren berri emateaz Buletin Elektronikoan.
