Etzi da Bertso Lizun Gauerako txartelak erosteko azken egun
Larunbata honetan, hilaren 20an, egingo dute Kataxulo Gaztetxian Bertso Lizun Gaua, eta bihar da afarirako txartelak erosteko azkeneko eguna (ikasle eta langabetuek zortzi eurotan eros ditzakete, eta langileek hamabi eurotan). Kataxulotik jakinarazi du...
Larunbata honetan, hilaren 20an, egingo dute Kataxulo Gaztetxian Bertso Lizun Gaua, eta bihar da afarirako txartelak erosteko azkeneko eguna (ikasle eta langabetuek zortzi eurotan eros ditzakete, eta langileek hamabi eurotan).
Kataxulotik jakinarazi dutenez, larunbatean 21:00ak aldera hasiko dute afaria eta ondoren hasiko dira bertsolariak bertsotan. Honako bertsolariek hartuko dute parte: Xabier Silveirak; Alaia Martinek; Ander Lizarraldek; Unai Gaztelumendik; eta beste bertsolari batek (sorpresa izango dela iragarri dute).
Gaia: lizunkeriak
Bertso Lizun Gaua izanik, lizunkeriak izango dira gai nagusi. Bertsolariek eta afaltzera joango direnek egun horretan okurritzen zaizkienei buruzko bertsoak botako dituzte. Baina, horrez gain, herritarrek ere proposatu ahal izango dituzte lizunkeriekin lotutako gaiak. Horretarako plaza inguruko tabernetan kaxak jarri dituzte Kataxuloko kideek.
