Ereintzak Loiun jokatuko du gaur
Ereintza Eskubaloi Elkarteak Loiuko Amazsa Urdaneta taldearen kontra jokatuko du gaur 19:30etik aurrera etxetik kanpo.
Ereintza Eskubaloi Elkarteak Loiuko Amazsa Urdaneta taldearen kontra jokatuko du gaur 19:30etik aurrera etxetik kanpo. Alex Noguesen mutilek 28-31 galdu zuten joan den astean Eibarko Arrate taldearen kontra Galtzarabordako kiroldegian eta goiko postuetatik gertu jarraitu ahal izateko garaipena beharrezkoa dute gaur.
Ligako zazpi jardunaldi jokatu dituzte eta Ereintza bostgarren postuan dago zortzi punturekin. Loiuko Amazsa Urdaneta taldea, berriz, sailkapeneko azkeneko postuan dago bi punturekin. Talde bizkaitarrak garaipen bakar bat baino ez du eskuratu lehenenego zazpi jardunaldi hauetan eta Ereintza gainditzea beharrezkoa du beheko postuetatik ateratzeko. Horregatik, ez da partida erraza izango Noguesen mutilentzat.
