Atzo Sevillan Errege Kopatik kanporatuak geratu eta gero Ligari begira daude txuribeltzak. Bihar beteko dira bi urte Real Unionen Real Madrid kanporatu zuela Errege Kopan. Ahazteko zaila izango da hura. Ahazteko modukoa, ordea, irundarren bilakaera aurtengo KO-aren txapelketa.
Atzo Sevillan Errege Kopatik kanporatuak geratu eta gero Ligari begira daude txuribeltzak. Bihar beteko dira bi urte Real Unionen Real Madrid kanporatu zuela Errege Kopan. Ahazteko zaila izango da hura. Ahazteko modukoa, ordea, irundarren bilakaera aurtengo KO-aren txapelketan. Egia da merengeen kontrakoa errepikatzea zaila zirudiela, aurrean lehen mailako Sevilla zutela kontuan izanik. Nolanahi ere, bi partidetako emaitza globala (10-1) zigor handiegia dirudi. Atzo 6-1 galdu zuten txuribeltzek Sachez Pizjuanen. Hori bai, Eneko Romok sartu zuen partidako lehen gola.
Ligari begira
Kopako abentura ahaztua eta burua Ligan dute iada unionzaleek. Promozioko postuetan sartzeko aukera du Real Unionek igandean. Horretarako Mirandesen edo Gimnasticaren porrota, eta txuribeltzek Stadium Galen Logroñesen aurka jokatu behar duten partidan garaile ateratzea ezinbestekoa da.2. B mailako bigarren multzoko sailkapeneko hamalaugarreneko postuan dira errioxarrak baina Real Unioneko entrenatzaile Alvaro Cervera ez da fio. Izan ere, bost puntu besterik ez daude bi taldeen artean eta, gainera, maila handiko jokalariak ditu Logroñesek.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
