Sinadura bilketa egingo dute igandean Karmengo Aman DBH eman dezaten eskatzeko
Urteak daramatzate borrokan Karmengo Ama ikastetxeko gurasoek Trintxerpen DBH ezar dezaten eskatzen. Hezkuntza Departamenduak eskariari muzin egiten diola iritzita, sinadurak biltzeari ekingo diote, Hemen Hazi, Hemen ikasi lelopean. Etzi, Behobia-Donos...
Urteak daramatzate borrokan Karmengo Ama ikastetxeko gurasoek Trintxerpen DBH ezar dezaten eskatzen. Hezkuntza Departamenduak eskariari muzin egiten diola iritzita, sinadurak biltzeari ekingo diote, Hemen Hazi, Hemen ikasi lelopean. Etzi, Behobia-Donostia lasterketarekin bat eginez, bi postu jarriko dituzte sinadurak jasotzeko. Bata igogailuaren ondoan, eta bestea Amistad tabernaren alboan (biak Euskadi etorbidean daude). 10:00etatik 13:00etara egongo dira ikastetxeko gurasoak sinadurak biltzen.
Elastikoak ere atera dituzte, eta herri lasterketan aldarria bere eginez hainbat lagunek korri egingo dutela iragarri dute. Hilak 19ra arte erosi ahal izango dira elastikoak, atezainaren etxean, 09:00etatik 09:30era, eta 16:30etik 17:00etara.
Sinadura, bestalde, etzi ez ezik, hilabete osoan eman ahal izango da, Karmengo Ama ikastetxean bertan, eta baita barrutiko hainbat establezimenduetan ere.
