Mikelazuloren Herrien Astearen baitan makina bat ekitaldi egingo dituzte
Mikelazulo Kultur Elkarteak antolatutako Herrien Astearen baitan, makina bat ekitaldi egingo dituzte Errenteria-Oreretan, hilaren 16tik 20ra. Besteak beste, Ipuin kontaketak, dokumentalak, hitzaldiak, kontzertuak, antzerki emanaldiak eta herri afaria prestatu dituzte antolatzaileek.
Mikelazulo Kultur Elkarteak antolatutako Herrien Astearen baitan, makina bat ekitaldi egingo dituzte Errenteria-Oreretan, hilaren 16tik 20ra. Besteak beste, Ipuin kontaketak, dokumentalak, hitzaldiak, kontzertuak, antzerki emanaldiak eta herri afaria prestatu dituzte antolatzaileek. Garabideari buruzko dokumental batekin hasiko da aurten Herrien Astea datorren asteartean. Dokumentala 19:30ean eskainiko dute Mikelazulon. Jarraian solasaldia egingo dute han bildutakoekin.
Hilaren 17an, berriz, Koldo Mitxelena-Biteri eskolako haurrentzat ipuin kontaketa egingo dute Xenpelar Etxean 11:00etan. Ez da, ordea, eguneko ekitaldi bakarra izango. Jose Mari Carrere eta Jose Luis Asumuren eskutik ipuin kontaketa egingo dute 19:30ean iztieta auzoko Amal Halal tabernan.
Etorkinen gaineko hitzaldia
Egun bat beranduago, hilaren 18an, Etorkinak Errenteria-Oreretan: Diagnostikoa hitzaldia eskainiko du Joxin Arregik Mikelazulon 19:30etan. Daniel Etcheverryk Kafe kontzertua eskainiko du hilaren 19an Mikelazulon 19:30etik aurrera. Hegoamerikako herrietako soinu eta armonien barrena ibilaldi bat eskainiko du musikari paraguaiarrak.
Egun bat beranduago, berriz, No te consumas Xucrut Teatre konpainiaren antzerkia egongo da Niessenen 19:30ean. Sarrera doan izango da. Halaber, Errumaniako herri afaria egingo dute Txintxarri elkartean egun horretan. Afarirako sarrerak Mikelazulon daude salgai.
