Malandain Ballet Biarritz konpainiak, entsaio publikoa egingo du datorren asteartean Errenteria-Oreretan. Errenteria Hiria Kulturguneko bigarren solairuan dagoen entsegu gelan egingo dute 19:30etik aurrera eta sarrera mugatua izango da.
Kukai dantza Konpainiak, Errenteriako Udalarekin eta Errenteria Musikal Musika eta Dantza eskolarekin elkarlanean antolatzen duen egitarauaren baitan, Malandain Ballet Biarritz konpainiak, entsaio publikoa egingo du datorren asteartean Errenteria-Oreretan. Errenteria Hiria Kulturguneko bigarren solairuan dagoen entsegu gelan egingo dute 19:30etik aurrera eta sarrera mugatua izango da.
Malandain Ballet Biarritzek, hilaren 21ean Donostiako Victoria Eugenia Antzokian aurkeztuko duen Romeo eta Julieta ikuskizun berriaren erakustaldia eskainiko dute datorren asteartean kulturgunean.
Kukairen emanaldia Parisen
Kukai Dantza Konpainiak, bestalde, bi emanaldi eskainiko ditu hilabete honetan. Lehenengoa Donoatian eskainiko dute eta bigarrena, berriz Parisen. Donostiako Egia auzoko Gazteszena aretoan, (SOK)2 emanaldia eskainiko dute etzi 20:00etatik aurrera. Zazpi danztari eta hiru musikarirentzako pieza koreografia da (SOK)2. “Soka bere zentzu fisikoan zein poetikoan aipatzen du. Lokarri intimoak jorratzen ditu, iruten eta behin eta berriro hasten diren momentu horiek bezala”, azaldu dute Kukai Dantza Konpainiako kideek.
Hilaren 20an, berriz, Pariseko cafe de la Danse Aretoan, HNUY ILLA lana eskainiko dute Kukaikoek. Joseba Sarrionandiaren testuak dira Kukairen eta Tanttakaren ikuskizun horren ardatz. “Poesiak zipriztindutako ikuskizuna da. Dantza lengoaia nagusi izanda ere, dantzarien mugimenduak poesia du bidelagun. Gizakien arteko harremanak oinarri hartuta, amodioa, desamodioa, bakardadea eta erbestea lantzen ditu”, gaineratu dute Kukaiko kideek.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
