Murtziako espetxean dauden euskal presoek urrian hasitako gose greba bertan behera utzi dute, haien artean Francisco J. Ramada ‘Bera’ preso irundarra.
Murtziako espetxean dauden euskal presoek urrian hasitako gose greba bertan behera utzi dute, haien artean Francisco J. Ramada ‘Bera’ preso irundarra. Espetxeko zuzendariordearekin batu dira eta honek adierazi die datozen egunetan isolamenduarekin amaitzeko urratsak emango dituela. Hori dela eta, presoek keinu bat egon dela ulertu eta gose greba bertan behera utzi dutela jakinarazi du askatu.org webguneak. Hala ere, aste batzuen epean aldarrikapenek bete gabe jarraitzen badute, berriz borrokaldian sartuko direla adierazi dute. Bi astez egon dira gose greban. “Zentruko zuzendariak ezarritako isolamendu politikoarekin amaitzea eta espetxean dagoen zikinkeriarekin bukatzea” eskatzen zuten.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
