Jaizkibel Mendizale Taldeak Harriak eta Bideak egitasmoaren azken irteera antolatu du. Urbasara joango dira. Ibilaldiak hamahiru kilometro ditu, lau ordutan egitekoak.
Zortzi etapa egin ondoren, azken txanpara iritsi da Jaizkibel Mendizale Taldearen Harriak eta Bideak egitasmoa. Larunbat honetan (hilak 13) Urbasara antolatu dute mendi irteera. Zunbeltz bentetatik abiatu eta Dulantz mendia (1.239 metro) igoko dute mendizaleek. Ondoren, Irantzuko Santa Maria monasteriora jaitsiko dira, Abarzuza (Nafarroa) ondoan.
Hamahiru kilometroko ibilaldia prestatu du, lau ordutan egitekoa.
Bazkaria Abarzuzan
Indarrak hartzeko asmoz, Abarzuza herrian bazkalduko dute parte-hartzaileek.
Interesdunek mendi taldearen lokalera (Oarso kalea 4, Antxo) hurbildu behar dute etzi edo ostiralean, 20:00etatik 22.00etara. Irteerak 15 euro balio du, eta bazkariak 17 euro.
Informazio gehiagorako: 943 51 47 00 telefono zenbakian edota www.jaizkibelmt.tk atarian.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
