Elkarretaratze jendetsua azken erasoa gaitzesteko

Correos pareko plazatxoa bete dute hondarribiarrek bezperako eraso matxista salatzeko.

Asier Perez-Karkamo

2018/06/14

Correos pareko plaza bete zuten herritarrek bezperan gertatutako eraso matxista salatzeko

Dozenaka hondarribiar, gizon eta emakume, gazte eta nagusiak, elkartu ziren atzo arratsean Correos pareko plazan egin zen elkarretaratzean. Gizon batek emakume bat kolpatu zuen bezperan San Pedro kalean, eta bertan elkarretaratzeko deia luzatua zien udalak herritarrei. Eta herritarrek erantzun zioten deiari, ‘Emakumeen aurkako indarkeriarik ez’ lelodun pankartaren atzean jarrita plazatxoa betez. Hamabost minutuz isilpean kontzentratu ziren, eta txalo artean bukatu zuten ekitaldia. Pankartan, ondoan, edo herritarren artean nahasita, Hondarribiko Udalean ordezkaritza duten alderdi guztietako hautetsiak azaldu ziren. Gipuzkoako Foru Aldundiak ere bat egin zuen udalaren deialdiarekin, eta Batzar Nagusietako presidente Eider Mendozak gaitzespen ekitaldian parte hartu zuen. Azken bi erasoetan, martxoaren 8koan eta herenegungoan, herritarren erantzunari esker atxilotu zituzten erasotzaileak. Atzo adostutako testu bateratuan, jarrera hori eskertu zuten udal taldeek: ” Herritarrok eta erakundeok indarkeria matxistari aurre egiteko dugun borondate sendoa gogorarazi nahi dugu, indarkeria-mota hori prebenitzea, detektatzea eta horri erantzuna ematea denon egitekoa baita. Era berean, eskerrak eman nahi dizkiegu erasoa gertatu zenean biktima lagundu zuten herritarrei”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Elkarretaratze jendetsua azken erasoa gaitzesteko

Gipuzkoa

Donostiako Udalak hogei lanpostuko lan deialdi publiko bat egingo du

Donostiako Metropolitan gimnasioko langileek negoziazioaren «blokeoa» salatu dute

Orio tentsio handiko eremu izendatzeko prozesua abiatzea onartu du Eusko Jaurlaritzak

Gizon bat hil da Anoetan, trenak harrapatuta

Donostiako Bagera euskaltzaleen elkartea omenduko dute piratek

Gipuzkoako Soziometroaren arabera, EH Bilduk irabaziko lituzke foru hauteskundeak, baina EAJk eta PSE-EEk gehiengo osoa lortuko lukete

BDZk salatu du Gipuzkoako enpresa batek eraikuntzako 3,68 tona material esportatu dituela Israelera

Erromatarrak bueltan dira

Gipuzkoako egoitzetan bizi diren lau lagunetik hiruk uste dute bizi kalitate ona dutela

Aiako txaleta eraisteko agindua berretsi du Auzitegi Gorenak

Eusko Jaurlaritzako Segurtasun Sailak salatu du futbol partida bateko epaile bati jazarri diotela ertzaina izateagatik