[Galeria] Ba ote zegoen aterkirik Erdi Aroan?

Erdi Aroko Azoka egiten ari dira Hondarribiko gune historikoan gaur eta bihar. Hamarnaka postu daude, denetik dutela. Eguraldia, makal momentuz.

Urko Etxebeste Petrirena

Hondarribia

2018/06/09

Arma Plazan, Erdi Aroko artzaina ardiekin.

Gaur (larunbata) eta bihar, Erdi Aroko Azoka egiten ari dira Hondarribiko Alde Zaharrean, 21.ez. Agertoki aproposa da gisa horretako jarduera bat egiteko hiribildua, atrezzo gutxi behar du irudikatzeko zer nolakoa zen garai hartako azoka egun bat, adibidez, Hondarribian. Baina duela ehunka urte ere euria egingo zuen, egun egiten duenaren adina edo gehiago beharbada. Eta hor sortzen da galdera: ba ote zegoen aterkitik Erdi Aroan? Ziur baietz. Egun ezagutzen dugun aterki automatikorik ez, baina norbera euriaz babesteko gailuak izango zituztela, ziur. Gaur eta bihar goizez (10:00-14:00) eta arratsaldez (17:00-21:00) egongo dira zabalik gure historikoan dauden hamarnaka postuak. Denetik dago: lurrina saltzen dutenak, bitxiak, arropa, jakiak, xaboiak, era guztietako aiztur eta aizkorak, egur tailak, eta baten batek ere baditu aterkiak. Izan ere, astebururako eguraldi ez oso ona (nolabait esatearren, zaparradengatik abisu horia du ezarrita Euskalmetek) dago iragarrita, eta ateruneak baliatu beharko dituzte azoka lasai-lasai punta batetik bestera ezagutzeko. Aterkia eskuan edo txanoa jantzita ere egin daiteke bisita, nola ez. Tailerrak, haurrentzako jolasak, erakustaldiak, eta kale animazioa ere badaude. Ea eguraldiak laguntzen duen.

+ Erdi Aroko Azokaren informazio gehigarria.

Ondokoak, goizean HITZAk jaso dituen hainbat irudi dira:

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.