200 abeslarik musikaz beteko dute Amaia Kultur Zentroa

Gaur aurkeztu dute programa, San Juan plazan.

Irungo Amaia Kultur Zentroak ehunka abeslari jasoko ditu datorren igandean (hilak 20). Abesbatzen Eguna egingo dute bertan, 18:30ean ekingo dioten emanaldiarekin. Gaur aurkeztu dute programazioa, Irungo Udaleko Kultur saileko ordezkari Juncal Eizagirrek, parte hartuko duten abesbatzen ordezkariekin batera.

Orotara, 200 abeslari baino gehiago igoko dira Amaiako oholtza gainera. Aurten, Albada, Ametsa, Argoiak, Atzokoak, Bidasoaldekoak, Coro de Colores, Larreaundi eta Nayade abesbatzek hartuko dute parte. “Abesbatzen Eguna bizirik dago, inoiz baino gehiago”, adierazi du Eizagirrek.

Saioa doakoa izango da eta bertaratzeko gonbidapena eskuratu beharko dute interesdunek. Gonbidapenak turismo bulegoan izango dira eta sobratu ezkero, Amaia Kultur Zentroan jaso daitezkeela jakinarazi dute udaletik (emanaldia hasi baino ordubete lehenago).

Iruzkin bat

Egin iruzkin bat

*

*

  • Itxasne
    26 maiatza 2018 at 10:36 - Reply

    Ekitaldia ezinhobea izan zen, zorionak abesbatza guztiei!! Ez ordea antolakuntzari, orri xinple batetan ere ez baitzuten egitaraua banatu, eta ezin jakin abestien izenak, egileak etab.! Oso detaile itsusia!

  •  

    Send this to friend