[Bideoa] Egiluzeko haurrak, Beirarekin abesten
Egiluze-San Jose ikastetxeko haurrek 'Izurdeak' abestia kantatu zuten taldearekin. Gari Amundarain gitarrista haien maisua da.
Larunbatean Beira eta Maider Zabalegi talde oiartzuarrek Hondarribiko Itsas Etxea Auditoriumean eskainitako kontzertuan ezusteko bat baino gehiago izan zen. Politena, Egiluze-San Jose ikastetxeko Haur Hezkuntzako 5. Mailako haurrek eman zuten, oholtzara igo eta Braillean diskok Izurdeak abestia kantatu baitzuten taldearekin batera (ikusi bideoa behean). Beirako gitarrista akustikoa Gari Amundarain hondarribiarra da, Egiluzeko irakaslea, eta eskolako orduetan ikasi dute abestia bere ikasleek. Letra bakarrik ez, ipuin grafikoa osatu dute abestiarekin eta, Itsas Etxean, haurrek eginiko marrazkiak proiektatu zituzten abesten zuten bitartean. Abestia bukatuta, ikasleek irakasle rockzaleari bere irudia zuen kamiseta oparitu zioten, haur guztiek sinatuta. Kamiseta hori jantzita bukatu zuen kontzertua Amundarainek eta, bukaeran, haurrek ere jantzi zuten kamiseta, argazkirako.