'Fan, fan, fan', eta erosi

Hondarribiko hogei merkatarik egin dute bat Gabonetako merkataritza kanpainarekin. 16-17ko asteburuan azoka egingo dute Itsas Etxean.

Asier Perez-Karkamo

Hondarribia

2017/12/06

Herritarrek urte amaierako erosketak herrian egitea nahi du kanpainak

Tokiko merkataritza sustatzea helburu duen Gabonetako kanpaina aurkeztu zuten joan den astean. Hondarribiko dendetara fan, fan fan leloa izango du, eta Maria Serrano merkataritza zinegotziak azaldu zuenez, herritarrei deia luzatu nahi die, urte bukaerako erosketak herriko komertzioetan egin ditzaten: “Keinu bat egin zaio Hondarribiko hizkeran esaten den ‘fan’ (joan) hitzari, hondarribiarrak kanpaina beraiena bezala hartu dezaten eta bertako dendetan erosi dezaten”. Hogei saltokik egin dute bat kanpainarekin, eta horietan erosten dutenek saria jaso dezakete: 250 euroko hamabi bale zozkatuko dituzte, 3.000 euro guztira saritan. Hilaren 22an eta urtarrilaren 3an egingo dira zozketak, San Pedro kalean ezarriko den eta aurreko urteetakoa ordezkatuko duen itsas edukiontzian. “Kanpainari buruzko informazio puntua izango da, baita dinamizazio aktibitateak egingo diren kokalekua ere —gaineratu du zinegotziak—. Barnealdean, kanpainan parte-hartzen duen denda bakoitzeko fitxa bat egongo da eta baita urteroko oparideiak ere”. Eta kanpoaldean, Gabonetako paisaia bat irudikatuko da, argazkiak ateratzeko balioko duena. Merkatua Itsas Etxean Joan den urtean bezala, eta arrakasta ikusita, Gabonetako Merkatua egingo dute aurten ere Itsas Etxea Auditoriumean. 16-17ko asteburuan izango da, 11:00etatik 14:00etara eta 16:00etatik 20:00etara, eta herriko hamalau merkatarik hartuko dute parte. Produktuak erosteko aukeraz gain, tailerrak ere antolatuko dituzte, josketa, txapa, gozoen dekorazio, eskulanak…

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.