Gaur, Irungo Artalekun egingo duten Euskal Herriko Bertsolari Txapelketa Nagusiko finalaurrekoko sarrera guztiak agortu dira.
Artaleku kiroldegian 2.300 lagun inguru elkartuko dira.
Gaur, azaroak 1, Irungo Artaleku kiroldegia bertsozalez beteko da. 17:00etatik aurrera, Bertsolari Txapelketa Nagusiko bigarren finalaurrekoa egingo dute.
Bertsozale elkarteak jakinarazi duenez, dagoeneko sarrera guztiak agortu dira. Guztira, 2.300 lagun inguru elkartuko dira kiroldegian.
Gaurko finalaurrekoan sei bertsolarik hartuko dute parte: Aimar Karrika, Aitor Sarriegi, Alaia Martin oiartzuarra, Maddalen Arzallus, Maialen Lujanbio eta Unai Agirre. 15:30ean irekiko dituzte ateak, eta sarrerak erosteko leihatila ez dute zabalduko, beraz.