Laugarren Beñat Elzo probak esklerosi anizkoitza izango du helburu

Azaroaren 1ean egingo dute, gazte hondarribiarra hil zeneko bosgarren urteurrenean. Dagoeneko izena eman daiteke hiru probetan.

Asier Perez-Karkamo

Hondarribia

2017/10/04

Dagoeneko izena eman daiteke laugarren ekitaldirako. irudia, iazko familien lasterketa

Beñat Elzo Mendi Lasterketaren laugarren ekitaldia egingo dute azaroaren 1ean Hondarribian, Beñat Elzo gaztearen heriotzaren bosgarren urteurrenean. Astelehenean ireki zuten izena emateko aukera, baita aurtengo ekitaldiko elastikoak erostekoa. Aurreko ekitaldietako bilakaera eta arrakasta ikusirik, parte hartzeari dagokionean berrikuntza gutxi izango da aurten. Hala, hiru modutara izango da parte hartzeko aukera, oinezko martxan, mendi lasterketan edota familien proban izena emanda. Hirurak kirol kaian hasi eta bukatuko dira, hori bai, bakoitzak bere formatu propioa izango du. Proba nagusia hamar kilometroko mendi lasterketa izango da (11:00etan), zati handienean Elzo entrenatu ohi zen bideetatik egiten dena, Jaizkibelgo Talaiatik alegia. Iaz 297 lagunek eman zuten izena probarako, aurten zenbaki horretara iristea behintzat espero dute antolatzaileek. Aurretik, eta ibilbide beretik, oinezko martxa egingo dute (09:00etan), hamar kilometrokoa hau ere. Iaz bigarrenez egin zuten eta 615 pertsonako tropela osatu zen. Eta azkenik, mendi lasterketa eta gero, familientzako proba izango da (12:30ean), aurreko urtean 847 pertsona bildu zituen 1,5 kilometroko kirol festa. Mendi lasterketa ez bezala, oinezko nahiz familien probak ez dira lehiatzeko izango. Mendi lasterketarako 20 euro jarri behar dira (euro bat gutxiago txipa dutenentzat), oinezko martxarako 10 euro, eta familien probarako 5 euro. Mendi lasterketan izena emateko kirolprobak.com webgunean egin behar da; beste bietarako Done Pedro Arrantzaleen Kofradiaren saltokian, Miramarren; bertan, gainera aurtengo ekitaldirako propio diseinatu duten elastikoa eros daiteke, 10 euroan. Ademgi elkartearen alde Hiru probetan bildutako diruak bere osotasunean helburu solidarioa izango du, antolakuntzako aurrekontua babesleekin osatzen baita. Ademgi Gipuzkoako Esklerosi Anizkoitza Elkartearentzat izango da Beñat Elzo Mendi Lasterketaren laugarren ekitaldian bilduko duten dirua. Esklerosi anizkoitza pairatzen duten gaixoei laguntza eskaintzen die Ademgik. Nerbio-zentralari eragiten dion gaixotasun sendaezina da, baina tratamendu egokiaren bitartez gaixoen bizi-kalitatea asko hobetzen da. 2007an birgaitze zentroa ireki zuten Donostian eta bertan, gaixoen funtzioak berreskuratu eta autonomia-maila, bere osotasunean, hobetzen saiatzen da Ademgi elkartea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Laugarren Beñat Elzo probak esklerosi anizkoitza izango du helburu

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak