Tomas Elgorriaga ekainaren 25ean geratuko da libre

Martxoan bost urteko zigorra ezarri zioten, horietatik bi baldintzapean. Alemanian preso emandako denbora aintzat hartu du Parisko epaileak.

Asier Perez-Karkamo

Hondarribia

2017/05/15

2014ko urrian atxilotu zuten Tomas Elgorriaga. Argazkia ordukoa da

Tomas Elgorriaga Kunze preso hondarribiarra ekainaren 25ean irtengo da Fleury-Merogis presondegitik. Presoaren ingurukoek jakinarazi dutenez, hori da bere auziaren ardura duen epaileak zehaztu berri duen data. Halere, presoa Espainiako Estatura kanporatu dezaketela gaineratu dute. Urtarrilaren 19an epaitu zuten hondarribiarra Parisen, eta martxoaren 2an ezagutarazi zuten epaia. Bost urteko zigorra ezarri zioten Elgorriagari, hiru urte kartzelan bete beharrekoak, eta beste biak baldintzapean aske. 2014ko urrian atxilotu zutenez, aurten geratuko litzateke libre, baina epaiak ez zuen data zehazten. Besteak beste, Alemanian preso igarota denboraren konputazioa zehazteke zuen epaileak, eta dagoeneko egin du. Hortaz, Tomas Elgorriaga sei aste barru aterako da kalera. Haren aurkako euro agindurik ez dagoenez eta Espainiako epaitegiek hondarribiarraren kontrako eskaerarik ez dutenez, dena ongi, ekainaren 25ean libre geratu daiteke Tomas Elgorriaga. Nolanahi ere, hondarribiarra “Espainaratzeko arrisku handia” dagoela ohartarazi dute haren ingurukoek.

Irakurri Tomas Elgorriagari buruzko albiste gehiago

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.