[Galeria] Fenomena izan da lehen ekitaldia

Bikaina izan da lehen Fenomena Hondarribia rock jaialdia. Musika zale ugari inguratu ziren larunbatean Alde Zaharrera.

Asier Perez-Karkamo

2016/10/09

Fenomena Hondarribia. Joseba Irazoki eta lagunak

Joseba Irazoki eta lagunak, Fenomena Hondarribia jaialdiko kontzertu nagusian

Langa oso goian jarri du Fenomena rock jaialdiaren lehen ekitaldiak. Behar zuen Hondarribiak hainbeste jarraitzaile dituen generoaren topaleku izatea eta musika zale asko hurbildu zen Alde Zaharrera larunbatean. Eguraldia lagun, antolatutako ekitaldi guztiak arazorik gabe burutzeko aukera izan zen, eta denetara hurbildu zen jendea, haurrentzako tailerretik hasita —jaialdiaren eremua ederki atondu zuten—, kontzertuetaraino. Jaialdiaren lehen ekitaldiko kontzertu nagusia Joseba Irazoki eta Lagunak bandaren ardura izan zen; dena eman zuten nafarrek eta zaleek ongi baino hobeto eskertu zieten. Bukatu eta gero, bis pare bat kotzera itzuli behar izan ziren. Eguerdian, Everybody Here Wants You taldeko ordiziarrek maisutasuna erakutsi zuten Jeff Buckley zenari gorazarre egiterakoan, baina beste rock egile batzurekin ere ausartu ziren; hunkigarria Leonard Cohenen Hallelujah abestiaren bertsioa, biko formatu akustikoan. Kasino Zaharrean egin zituzten kontzertuak, eta Apezpiku plazan DJ saioak, hiru guztira, oso desberdinak euren artean, rockaren hainbat azpigenero landu zituztelarik. Beste behin, Alde Zaharreko eremu hori kultur ekitaldiak jasotzeko paregabea dela argi geratu zen Fenomena Hondarribia rock jaialdiaren estreinakoan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Galeria] Fenomena izan da lehen ekitaldia

Gipuzkoa

ELAk salatu du Itasua enpresak dibidenduak hirukoiztu egin dituela azken bost urteetan, baina langileei ukatu egiten dietela soldata igoera

150 hizlari arituko dira ‘Euskal pentsamenduaren ur-jauzia II’ kongresuan

Aurtengo lehen sei hilabeteetan hamasei milioi bidaia egin dira Lurraldebusen, iaz aldi berean baino milioi bat gehiago

Gradu berri bat jarriko dute martxan EHUko Gipuzkoako Ingeniaritza Eskolan hurrengo ikasturtetik aurrera

Merkataritza lokalak etxebizitza bihurtzeko ordenantza aldatuko du Donostiako Udalak

Urriaren 19ko etxegabetzea bertan behera uztea lortu du Saretxek, behin-behinean

Atzo goizaldean Donostian erretako eraikina «agian» osorik eraitsi beharko dutela esan du Insaustik

Hariak jaialdia azaroaren 5etik 15era egingo dute

EH Bilduk salatu du La Cumbreren lagapena ez dela gauzatu lau urteren ostean, Donostiako Udalaren «borondaterik ezagatik»

Donostiako familia bat urriaren 19an etxegabetuko dutela salatu du Saretxe sindikatuak

Maritxu Kajoi gauean adin txikiko batek jasandako sexu erasoagatik gizon bat atxilotu dute Ermuan