Denetik, denentzat, Irungo Dies Oiassonis jaialdian

Dies Oiassonis ostiraletik igandera egingo dute aurten, zazpigarrenez. Ikuskizunez, tailerrez eta bestelako ekitaldiz bete-beteta dator.

Urko Etxebeste Petrirena

Irun

2016/07/13

Iazko Dies Oiassonisen irudi bat.

Haziz doa Dies Oiassonis erromatarren jaialdia. Irunen urteroko kultur ekitaldirik garrantzitsuenetakoa bihurtu da. Aurten, hilaren 15etik (ostirala) 17ra egingo dute, orotariko jarduerekin, ikastaro espezializatuetatik hasita, gladiadoreen ikuskizunetaraino. Gainera, Irungo ostalaritza establezimenduen laguntza ere badu jaialdiak, Erroma handiko jakiak prestatuko dituztelako hainbat egunetan Irun Dastaturen barruan erromatar pintxoak prestatuz. Jaialdiaren zazpigarren ekitaldia da ostiralean hasiko dena. Oiasso Erromatar Museoak, herritarrekin eta hiriko hainbat establezimenduren nahiz udalaren laguntzarekin, antolatu ditu jarduera guztiak. Egitarauaren izarra aurten ere Isis jainkosari egingo zaion itsas zeremonia da, igandean 11:00etan hasiko da Oiasso Erromatar Museotik abiatuta Dunboako kanalerantz. Beste puntu beroetakoa beste ikuskizun bat da, Erromatar Zirkua: bihar 20:30ean eta etzi 11:00etan egingo dute, Istillaga plazan (sarrera ordaindu behar da). Gladiaroreak ere ez dira faltako atzera begirako asteburuko ikuskizunean. Horiek euren borrokaldiak bihar egingo dituzte, asteburuan zehar hainbat alditan, eta antzerkirako tareta ere badago Medea-ren antzezpenarekin, nahiz Intujai konpainiaren emanaldiekin. Osagai guzti horiek Erromes, Junkal eta museokoko plazen artean egingo den azoka (ostiraletik igandera), tailerrak, ikastaroak, hitzaldiak eta bestelako ikuskizunak erantsi behar zaizkie. Eta Oiasso Erromatar Museoko antolatzaileek esan dutenez, denentzat, edozein adin edo gustuko jendearentzat, daude pentsatuta ekitaldi guztiak. Erromatarren garaira itzuliko da berriz ere Irun. Ehunka boluntarioren gogoari eta Oiassoren ekimenari esker izango da hori guztia. Honakoa da Dies Oiassonisen egitaraua (PDF osoa hemen): Hilak 15, ostirala

Goizetik: erromatar azoka orotariko postuekin Erromes, Junkal eta Oiasso Museoko plazen artean.
17:00etan, txikientzako erromatar jokoak Oiasso Museoko plazan, doan.
17:30ean, erromatar zeramikazko mosaikoen tailerra Oiasso Museoko plazan (10 urtetik gorakoentzat, 3 euro).
18:00etan, erromatar idazkuntzari buruzko tailerra haur eta helduentzat Oiasso Museoko plazan (10 urtetik gorakoentzat, 2 euro).
18:00etan, gladiadoreen ikuskizuna Oiasso Museoko plazan, doan.
19:00etan, Intujai antzerki taldearen saioa Oiasso Museoko plazan (doan).
19:00etan, ardo italiarren dastaketa Oiasso museoko plazan (doan).
19:30ean, zeramikazko erreprodukzioak eta argi-armiarmak egiteko tailerra, Oiasso Museoko plazan (10 urtetik gorakoentzat, 5 euro).
20:00etan, Medea No hay mayor dolor que el amor antzerkia Oiasso Museoko plazan (doan).

Hilak 16, larunbata

Goizetik: erromatar azoka orotariko postuekin Erromes, Junkal eta Oiasso Museoko plazen artean.
11:00etan, legionario izateko tailerra, Oiasso Museoko plazan (doan).
11:30ean, erromatar zeramikazko mosaikoen tailerra Oiasso Museoko plazan (10 urtetik gorakoentzat, 5 euro).
11:30ean, antzinako Erromako ogia egiteko tailerra, Oiasso Museoko plazan (doan).
12:30ean, erromatar idazkuntzari buruzko tailerra haur eta helduentzat Oiasso Museoko plazan (10 urtetik gorakoentzat, 2 euro).
13:00etan, sagardo dastaketa Ola sagardotegiaren eskutik, Oiasso Museoko plazan (doan).
13:00etan, gladiadoreen ikuskizuna Oiasso Museoko plazan (doan).
17:00etan, ezti dastaketa Oiasso museoko plazan (doan).
17:00etan, legionario izateko tailerra, Oiasso Museoko plazan (doan).
17:00etan, Erromatar Zirkua Istillaga plazan (5 euro, Bidashop-en deskontuarekin 2,50).
17:30ean, erromatar idazkuntzari buruzko tailerra haur eta helduentzat Oiasso Museoko plazan (10 urtetik gorakoentzat, 2 euro).
18:00etan, erromatar zeramikazko mosaikoen tailerra Oiasso Museoko plazan (10 urtetik gorakoentzat, 5 euro).
18:00etan, gladiadoreen ikuskizuna Oiasso Museoko plazan (doan).
18:30ean, izozkiak egiten ikasteko tailerra Helados Papperinoko Jon Gallardoren eskutik (doan).
19:00etan, Intujai Antzerki Taldearen saioa Oiasso Museoko plazan (doan).
20:00etan, Erromatar episodioak izeneko ekitaldia, Irungo Junkaleko Ama Birjinaren elizara bisita eginaz. Aforo mugatua (doan).
20:30ean, Erromatar Zirkua Istillaga plazan (5 euro, Bidashop-en deskontuarekin 2,50).
21:30ean, gourmet afari erromatarra Oiasso museoko plazan. Tokia mugatua da eta tiketak Irungo Turismo Bulegoan erosi behar dira. El Ensanche, El Casino, La Vinoteka eta Danako jatetxeetako kideek egingo dute otordua.
22:00etan, Medea No hay mayor dolor que el amor antzerkia Oiasso Museoko plazan (doan).

Hilak 17, igandea

Goizetik: erromatar azoka orotariko postuekin Erromes, Junkal eta Oiasso Museoko plazen artean.
11:00etan, legionario bihurtzeko haurrentzako tailerra Oiasso Museoko plazan.
13:00etan, Isis jainkosaren aldeko prozesioa, Oiasso Museotik Dunboako kanalera.
14:00etan, erromatar bankete baten antzezpena Oiasso Museoko plazan (doan).
17:00etan, Erromatar Zirkua Istillaga plazan (5 euro, 2,50 Bidashop-en deskontuarekin).

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.