Abotsanitz: “Gizarte laguntzak ez dira limosna, eskubideak dira”

Abotsanitz hauteskundeak egoitza

Abotsanits taldearen egoitza

Abotsanitz alderdiak Mendelun izango du gaur, osteguna, hauteskunde kanpainako ekitaldia. Gizarte zentroan auzotarrekin bilera irekia egingo du, 19:30ean. Ibai Labaien zerrendako seigarrenak azaldu duenez, besteak beste krisiaren kontrako neurriak proposatuko dituzte Mendelun, “bereziki kolpatuak direnak kontuan izanik”.

Udalean lanpostuak sortzeko lan egingo dutela esan du Labaienek: “Udaletik enpleguaren alde lan egin daiteke, eta langabetuen formakuntzan. Hiriko langabetuen etengabeko hezkuntza bultzatuko dugu eta azterketak egingo ditugu sektoreka, bakoitzaren beharrak ezagutu eta neurriak hartzeko”.

Hauteskunde programaren barruan, Abotsanitz-ek gizarte zerbitzuei garrantzia handia emango diela nabarmendu du Bilduren zinegotzi ohiak: “Lan egingo dugu hondarribiarrek udalak kudeatzen dituen gizarte zerbitzuak jaso ditzaten, baita beste erakunde publikoek eta gobernuz kanpoko erakundeek eskaintzen dituztenak ezagutu ditzaten. Gizarte laguntzak ez dira limosna, eskubideak dira, eta behar bezala informatu behar da horietaz. Biztanleek behar duten laguntza bermatuko dugu, bereziki egoera larrien daudenena, bai larrialdi ekonomikoan daudelako, bai bestelako arazoak dituztelako”.

Biztanleek behar dituzten gizarte zerbitzuak “bermatu” egingo dituztela erantzi du Labaienek, Abotsanitz ezker abertzaleko alderdiak Mendeluko auzotarrekin egingo duen bileraren aurretik.

Iruzkin bat

Egin iruzkin bat

*

*

  • Garikoitz
    14 maiatza 2015 at 8:11 - Reply

    “Abotsanitz ezker abertzaleko alderdiak” edo “Ezkertiar abertzaleen alderdia”? Ez bai dira gauza berdina (ez dut nahi esan horrekin bata bestea baino hobeagoa denik, nire iritzia dudabn arren). Aldiz, uste dut justuki ezker abertzaletik aldendu zirelako sortu zela ezkertiar abertzaleen alderdi berria.
    Modu berean, beste kasu batzuetan, adibidez “herri batzarra” baino “Abots Anitzen herri batzarra” espezifikazioa ez legoke gaizki ere…nire iritziz.

  • Send this to friend