Hiru tona eta erdiko bi kanpai atera dituzte airetik

Bi tonako eta tona erdiko bi kanpai atera dituzte Alde Zaharreko elizako kanpandorretik, konpondu ditzaten. Palentziako Saldaña herrian konponduko dituzte eta lanek 34.000 euroko aurrekontua dute.

Asier Perez-Karkamo

Bidasoa

2015/03/03

eta bandeo elektronikoan hobekuntzak egingo dira baita ezkila-mihian ere

Bigarren kanpaia kanpandorretik atera duteneko unea

Bi ordu behar izan dituzte parrokiko kanpandorretik konpondu behar dituzten bi kanpaiak jaisteko. Dagoeneko Saldaña herrira (Palentzia, Espainia) bidean dira, han konpondu behar baitituzte. “Kale Nagusira daramaten bi kanpai handi dira, lehena 2.027 kilokoa eta 147’5 zentimetroko diametroduna, eta bigarrena 1.400 kilo eta 135 zentimetrokoa”, azaldu du udalak. Garabi erraldoi baten laguntzaz atera dituzte kanpaiak, operazio ikusgarri batean. Dena espero bezala joan da, inolako arazorik gabe. Lanak egin dituzten bitartean, Fraxkueneko Murrua kaleko barruko zatia eta Kale Nagusiko sarbidea itxi dituzte, eta bizilagunei Apezpiku plazatik irteteko eskatu diete. Konponketen aurrekontua 34.000 eurokoa izango da, eta 2013ko udan Arma Plaza Fundazioak abiatutako crownfunding kanpainari esker ordainduko da. Batetik, kanpaia garbitu egingo dute, eta kanpai-etxea aldatuko diote, Afrikako Gabon herrialdeko buvinga egurrezko batengatik ordezkatuz. “Eta bandeo elektronikoan hobekuntzak egingo dira baita ezkila-mihian ere”, gaineratu dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.