Musika (Irun): Guda eta bakea
![](https://bidasoa.hitza.eus/site/files/2022/10/kamerata-copia.jpg)
Oiasso Kamerata orkestrak Guda eta bakea izenburuko kontzertua emango du, Amaia Kultur Zentroan, Xostakovitx, Borodin eta Tchaikovskiren obrekin.
Sarrerek 5 euro balio dute, eta betiko tokietan eros daitezke: www.irun.org/entradas helbidean, Luis Marianoko turismo bulegoan eta, ikuskizuna hasi baino ordubete lehenagotik, tokirik badago betiere, Amaia KZko bertako leihatiletan.
Guda eta Bakea
Errusia izango da protagonista bidaia musikal, estetiko eta politiko honetan. Errusiar Inperiotik Sobieten lurraldera, Negu Jauregiko saloietatik Lubiankako sotoetara, Anastasiaren geletatik Stalingradoko setiora.
Shostakovichen ganbera sinfonia faxismoaren eta gudaren biktimei dago eskainita, baina egilearen suizidio nota bat besterik ez da. Entzutean sentituko dira kolpeak atean gau beltzenean. Siberiako laban haizea urpegian, Iraultzaren Ehorzlearen esku luzea lepoan. Testamentu bat, zorionez egilearen epitafio bihurtu ez zena.
Arima sendatzeko erreportorioaren gailurra Tchaikovskyren Serenata dago. Ziurrenik Zarren familiak Zutabeen Saloian entzuten zutena. Kamara kideek galdetzen dute ea ezin litekeen honen Elegia faxismoaren biktimentzako izan edota Finale: Tema Russo Berlinen sartzean ibilitako ereserkia? Bitartean Guda eta Bakearen arteko inoren lur horietan, Borodinen Nocturnoa egongo da esperoan, beharrezkoa dutelako, berdin du zein garai leku edo egoeran.
Oiasso Kamerata Irungo hari orkestra bat da, erromatar garaian Oiasso zeritzana. Haien ibilera 2014an hasi zen Raffaela Acella zuzendari artistiko zutelarik. 2016an zuzendaritza artistikoa Tomas Ruti Vilarrek jaso zuen soinu kalitatearen helburua aurrera eramanez.
Kamerata hau herrialde ezberdinetan egon da eta beste kontzeptu batzuetan oinarritutako esperientzia musikalak eskaintzen saiatu da. Esate baterako, egitarau latinoa, Viaggio Musicale, God save the strings!, Con aire de tango, Marina Beheretxe biolinista handiaren laguntzarekin.
Euskal musikan Valetin Larrearen musika interpretatzeko erronkari eutsi diete, bere harizko obra nahi dute ezaguna egitea.
Eduardo Mocoroaren musikarekin disko bat grapatu dute ere eta Opus Lirica konpainiarekin elkarlanean La Serva Padrona opera interpretatu dute.
Larunbat honetako kamararen egitaraua: