'Hondarribiko dendetara, fan, fan, fan' merkataritza kanpainaren barruan, rokodromoa jarri dute gaur Arma Plazan, gazteluaren parean.
Erdi Aroan soka luzeekin gazteluak konkistatzen zituzten gerlariak bezala. Horrela sentitu dira gaur Hondarribiko Alde Zaharrera hurbildu diren haurrak. Rokodromoa jarri dute gaur Arma Plazan, gazteluaren parean.
Berez, abenduaren 28an zen egitekoa, Hondarribiko dendetara, fan, fan, fan tokiko merkataritza sustatzeko kanpainaren barruan. Baina eguraldi txarragatik ez zen egin. Gaur eguraldi tristea egin du, baina ateri eutsi dio, eta haurrek aukera izan dute, arnesa eta sokak lagun, haitzaren gailurrean ezkutatzen ziren goxokietara heltzeko.
Goialdera iristeak saria dakar
