Urtarrilaren 31ra arte Igor Obesoren 'Beira puztuta' erakusketa bisitatu daiteke Hondarribiko Gipuzkoa plazako Medievo kafetegian.
Hori da Hondarribiko Medievo kafetegian sartzen denak aurkituko duena. Arte hauskorra. Larunbatetik eta urtarrilaren 31ra arte Beira puztuta erakusketa bisitatu daiteke Gipuzkoa plazako establezimenduko beheko solairuan. Igor Obeso hondarribiarrak Irunen duen Beira badago tailerrean eginiko lanak dira. Izenak argi erakusten duen bezala, beira puztua teknikaren bidez sortuak.
Orotara, formatu oso desberdineko 38 piezek osatzen dute erakusketa, zein baino zein ederragoa. Urtarrilaren 31ra arte bisitatu daiteke. Hori bai, zerbait erosteko asmoa duenak mugitu beharko du, ireki zuenetik pasa diren bi egun eskasetan dagoeneko bospasei bat ale saldu baitira.
Erakusketako bi pieza
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
