Lau partida eta beteranoen omenaldia dira asteburuko menua. Kirol arloan, emakumeek bigarren lagunartekoa jokatuko dute eta gizonen lehen taldeak partida garrantzitsua du igoeraren lehian.
16 eta 18 urtez azpiko taldeek Euskal Ligetako bigarren faseak hasiko dituzte larunbatean Plaiaundin, eta errugbi eskolako jokalariek topaketa dute igandean Ordizian.
Txingudi Errugbiko harrobiko taldeak dira lehian arituko diren bakarrak. 14 eta 16 urtez azpiko taldeak Plaiaundin arituko dira, eta 18 urtez azpikoak, Donostiako Miniestadioan. Partida guztiak bihar dira.