Rapaz eta reggaeaz gozatzeko, larunbatean Psilocyben
KBLESS eta Moises No Duerme izango dira Mendelu auzoko aretoko oholtzan, 20:00etatik aurrera.
Psilocybek aurrera jarraitzen du. Urrian hasi zuten kontzertuen sasoia, eta azken txanpan sartu diren arren, hainbat kontzertu dituzte uztaila bitarte. Larunbatean izango da hurrengoa: Moises No Duerme eta KBLESS izango dira oholtzan, Iruñetik etorriak. 20:00etan hasiko da.
Moisés No Duerme artista independentea da; rapean jardun duen letragile, ekoizle eta MCa. Bere proiektu propioaz gain, taldeetan eta kolektiboak ikusi izan dugu, hala nola Raperos de Emaús-en eta Brindisi Nero-n. Bi hamarkadatan zehar, bere ibilbide pertsonala beste musika-proiektu batzuen ekoizpen, grabazio eta nahasketarekin uztartu du.
Bere proposamenak rap inguruan orbitatu du beti, baina mugak zeharkatu ditu
generoen eta soinuen artean, betiere atzealde positiboarekin eta esanahiz beteriko letrekin, non salaketaz eta kritika sozialaz beti errealitateari buruzko ikuspegi berezia ematen duen. 2025ean AZUL LP berria aurkeztuko du, disko zerrenda luze batekin batera Arga (2024), La Aldea (2021), Leve (2018) edo bere bi zuzeneko emanaldiak bandarekin, 2023an eta 2024an.
Musikari eta letragile gisa ospe handia du, eta horregatik maila altuko musikak ikusi dira bere alboan kolaborazioetan, besteak beste, Broken Brothers Brass Band Raimundo Canastero, Mabreezee edo Monsieur leCrêpe.
Reggae mundutik
KBLESS Elsa Autor Luquin abeslari, konpositore, pianista eta musika-artista independentearen proiektu musikala da. Bere proposamenak autore-kantaren intimotasuna reggaea, afrobeata eta musika esperimentala bezalako generoekin uztartzen du, etengabeko eboluzioan dagoen soinu-unibertso propioa sortuz. Hainbat urtez bakarkako proiektu akustikoak egin ondoren, reggae eszenan zehar ibili da Rojo Vivo Reggae Banden teklatu jotzaile gisa, eta singjay gisa kolaboratu du sound system kolektibo askorekin.
2019tik dago martxan, KBLESS ezizenarekin, eta testura berriak aztertzen ditu hainbat ekoizlerekin batera. Gaur egun, KBLESSen zuzenekoak zuzeneko musikarekin eta dantzarekin egindako ibilbidearen erakusketa originala bihurtu dira. Emakumea artista eta sortzaile gisa errebindikatzen eta ahalduntzen duen mezuz beteriko zuzenekoa.
Sarrerak eskuratzeko, egin klik hemen. Leihatilan ere sarrerak izango dira.
