'Mugarrien ibilbidea' egin du gaur Irungo udalbatzak
Lau zati ditu bide horrek, eta aurten bigarrena egin dute, Irun-Oiartzun zatia, alegia. 7,5 kilometroko bidea izan da.
Gaur, udalbatzak, mugarriak aztertzeko ibilbide kalsikoaren bigarren zatia egin du, Irun-Oiartzun bidea, alegia. Ibilbidea egin dutenen artean Cristina Laborda Irungo alkatea zegoen, eta udal teknikari zein basozainak izan ditu bidelagun.
Mugarrien ibilbide hori XVIII. mendean egiten ziren azterketa ofizialetan oinarritzen da, eta “udalerrien mugak behar bezala mantentzen zirela egiaztatzeko” egiten zen. Irungo udalbatzak 80ko hamarkadan berreskuratu zuen ohitura, eta ibilbidea lau zatitan banatu zuten; urtero jarraian egiten dituzte horiek, udalerriaren muga geografiko guztiak zeharkatuz.
Aurten egin duten ibilbideak 7,5 kilometro ditu, Aldarregitik hasi eta Andrearriagaraino, hain justu.
Gaur 08:45ean eman diote bideari hasiera, eta 13:00ak aldera amaitu dute bidea Katea auzoko GI-2134 errepidean.
