'Balioen Loratzea' programa ontzeko, galdetegia
Bihar (hilak 28, igandea) gobernuz kanpoko erakundeek azoka egingo dute Irunen, eta bertan herritarrek galdetegi bat erantzuteko parada izango dute.
Bihar (hilak 28, igandea) garapenerako gobernuz kanpoko erakundeek azoka egingo dute, eta Irungo Udaleko Giza Eskubideetarako, Memoria Demokratikorako eta Lankidetzarako arloak jakinarazi duenez herritarrek galdetegi bat erantzuteko aukera izango dute udalak zuzenean jakin dezan herriari zein gai iruditzen zaizkion interesgarriak Balioen Loratzea programaren barruan lantzeko.
2021ean sortu zuten programa hori “belaunaldien arteko elkartasun, errespetu, konpromiso, tolerantzia, pazientzia, ardura eta justizia bezalako balioak sustatzeko”, eta bizi esperientziak “modu etiko eta sozialean” partekatzeko askotariko jarduerak proposatzen ditu ekimenak.
Aipatutako azoka Colon ibilbidean izango da, 11:00etatik 13:30era, eta hiriko zein beste herri batzuetako 17 elkartek garapenerako lankidetzak, giza eskubideen defentsaren eta garapenerako heziketaren esparruan egiten duten lana ezagutarazteko egingo dute.
Azokan parte hartuko dute erakundeek zenbait jarduera proposatuko dituzte.
