Gizarte zerbitzuen alorreko diru laguntzak eska daitezke
Partaidetza eta gizarte laneko boluntarioak sustatzea, eta herritarren arteko laguntasuna zein gizarteratzeko arazoak dituzten pertsonekiko arreta bultzatzea asmo duten erakunde edo elkarteei zuzenduriko diru laguntzak dira.
Gizarte zerbitzuen sisteman diharduten erakundeen edo elkarteen proiektuetarako diru laguntzak kaleratu ditu Hondarribiko Udalak.
Diru laguntza horiek partaidetza eta gizarte laneko boluntarioak sustatzea, eta herritarren arteko laguntasuna zein gizarteratzeko arazoak dituzten pertsonekiko arreta bultzatzea asmo duten erakunde edo elkarteei zuzendurik daude. Eta horiek, Hondarribian, eskualdean edota lurraldean (Hondarribia barne) garatzen dituzten irabazi asmorik gabeko elkarte eta entitateek soilik jaso ahal izango dituzte.
Eskabideak elektronikoki aurkeztu daitezke Hondarribiko Udalaren web orriko Sarrera Erregistroren bitartez. Eta aldi berean, presentzialki ere eskabideak aurkezteko aukera egongo da BAZ bulegoan.
Aurkeztu beharreko dokumentazioa:
- Eskaera orria behar bezala beteta.
- Nortasunaren egiaztagiriaren fotokopia (NAN, estatutuak, eraketa-eskriturak, dagokion erregistroak emandako ziurtagiria, eta abar.)
- Identifikazio Fiskaleko Kodearen fotokopia.
- Udalak kontsulta egingo die zuzenean beste administrazioei eskatzaileak zerga betebeharrak eta Gizarte Segurantzarekin betebeharrak egunean dituela egiaztatzeko. Hala ere, eskatzailea kontsulta horren aurka agertzen bada, zerga betebeharrak eta Gizarte Segurantzarekin betebeharrak egunean dituenaren ziurtagiriak aurkeztu beharko ditu.
- Banketxe edo aurrezki-erakunde batek emandako agiria, urte horretan bere izenean dagoen kontu korronte baten titulartasuna egiaztatzen duena.
- Diruz laguntzea eskatzen den proiektu, jarduera edo egitasmoa azaltzen duen txostena.
- Proiektu, jarduera edo egitasmoaren sarrera eta gastuen aurrekontu zehaztua.
- Beste sail eta erakundeen aurrean eskatutako eta jasotako diru laguntzei buruzko erantzukizunpeko aitorpena.
- Diru laguntzaren onuradun izan ahal izateko egoeran egotea egiaztatzen duen erantzukizunpeko adierazpena.
Informazio gehiago hemen.
