Cristina Laborda Irungo alkatea UVESCO taldearen egoitzan izan da
Super Amara supermerkatu katea eta BM supermerkatuak kudeatzen ditu taldeak. Irungo zentroetan 735 pertsona dituzte kontratatuta.
Crsitina Laborda Irungo alkatea UVESCO taldearen egoitzan egindako bisita instituzional batean izan da Nuria Alzaga Sustapen Ekonomikoko ordezkari, Eva Fernandez Bidasoa bizirikeko zuzendari eta Naiara Zabala Hirigintzako zuzendariarekin batera. UVESCO taldetik Jose Ramon Fernandez de Barrena presidentea, Angel Jareño zuzendari nagusia, Eva Otazo Giza Baliabideen zuzendaria eta Alvaro de Unamuno Hedapeneko zuzendariak egin dute harrera.
Beste gauza batzuen artean, bilera horretan Via Irun proiektuaren berri eman dute “ezagutzaren eta berrikuntzaren esparrutik enpresa sektoreari irekitzen dizkion lankidetza aukerak azpimarratuz”. Taldeak Irunen du egoitza, eta BM supermerkatuak eta Super Amara supermerkatu kateak kudeatzen ditu.
UVESCOk hamar supermerkatu ditu, eta zuzeneko enpleguari dagokionez guztira 735 pertsona daude kontratatuta Irungo zentroetan. 1993an sortu zen taldea Unialco eta Kantabriako VES enpresen arteko fusiotik. Gaur gaurkoz taldeak 341 supermerkatu ditu, 7.100 langile baino gehiago eta 1.186 milioi euroko fakturazioa.
Zehaztu dutenez, UVESCOren oinarriak dira hurbileko ekoizpenaren aldeko apustua, produktu freskoa eta kalitatezkoa, berrikuntza eta ingurunearekiko konpromisoa.
