Eman daiteke izena Urgara Txingudi Waterpolo taldean
Benjamin, kimu, haur, kadete, gazte zein senior taldeak ditu klubak. Izena eman aurretik hilabetez doan probatzeko aukera dago.
Urgara Txingudi Waterpolo taldea kirolarekiko pasioa errotuta duen eta eskualdeko nortasunaz eta balioez harro dagoen taldea da. Are, horiek sustatzen jarraitzeko helburuarekin jaio zen. Joan den uztailean, baina, zuzendaritza taldea berritu eta kluba kudeatzeko era desberdin bat abiarazi zuten; alabaina, helburuak berak izaten jarraitzen dute: eskualdean waterpoloa hazten eta bultzatzen jarraitzea.
Klubak benjamin, kimu, haur, kadete, eta gazte mailako taldeak ditu, eta horiek Euskal Igeriketa Erakundeak antolatutako lehiaketetan hartzen dute parte. Gainera, senior taldeak ere badituzte, eta Azken Portun entrenatzen dute denek.
Laster hasiko da 2025/26 denboraldia, baina oraindik badago aukerarik maila guztietan izena emateko. Horretarako, esteka honetan dagoen inprimakia bete behar da. Hala ere, oraindik ziur ez dagoenarentzat edota kirola lehen aldiz probatu nahi duenarentzat hilabetez doan probatzeko aukera luzatu dute klubetik. Aukera hori baliatu nahi duenak mezu elektroniko bat bidali edota 649 93 48 36 zenbakira deitu behar du.
Urgara Txingudi klubak 2004. urtean sortu zen Irun Oiasso 1766 waterpolo klubean du hasiera. Irun Oiasso 1766 elkartea Bidasoa XXI klubeko waterpolo sekzioan integratu zen ondoren, eta hala aritu zen 2021/22 denboraldira arte. Urte hartan bertan, waterpoloa Bidasoa eskualdean sendotzeko eta sustatzeko asmoz Bidasoa XXI-etik bereizi eta Urgara Txingudi waterpolo kluba sortu zuten.
