Artia eta Martindozenea gaztelekuak irekiko dituzte bihar
12-17 urte arteko nerabeei begirako egitarauarekin zabalduko dituzte ateak. Ate ireki saioak egingo dituzte bi gaztelekuak ezagutzeko.
GazteARTEan arloak jakinarazi duenez, bihar (hilak 16) zabalduko dituzte berriz Mantindozeneako eta Artiako gaztelekuak. Sandra Caballero Hezkuntza eta Gazteriako ordezkariak eman du horren berri: “Espazio hauek aukera paregabea dira hiriko gazteentzat. Jarduera askotaz gozatzeko aukera izateaz gain, Gaztelekuak dibertitzeko eta gozatzeko lekuak dira, eta nerabeek elkarren artean harremanak izan ditzakete bakoitzaren garapen pertsonalean funtsezkoak diren balioak ikasten dituzten bitartean”.
Aurreko urteetan bezala, ate ireki jardunaldiak egingo dituzte bi gaztelekuetan gurasoek eta hezitzaileek elkar ezagutzeaz gain ekipamendua eta egitaraua ezagutu ditzaten. Martindozeneko hitzordua hilaren 22an izango da, 17:30ean eta 18:30ean, eta bertaratu nahi duen orok 690 70 64 71 zenbakira deitu edota mezu elektroniko bat idatzi behar du. Artiakoaren txanda, berriz, hilaren 27an izango da, eta hor ere bi txanda egongo dira: lehena 11:00etan eta bigarrena 12:00etan. Bertaratzeko 681 94 67 98 zenbakira deitu edota mezu elektroniko bat bidali behar da.
12 eta 17 urte arteko gazteei zuzendutako espazioak dira horiek; 15 eta 18 urte artekoen espazioa, berriz, urrian zabalduko dutela jakinarazi dute. Informazio gehiagorako, egin klik hemen.
Iraileko egitaraua
- Artia
- Hilak 17, asteazkena. Aurten zer?
- Hilak 18, osteguna. Fruta brotxetak.
- Hilak 19, ostirala. Overcooked play jolasa.
- Hilak 20, larunbata. Boleibol.
- Hilak 23, asteartea. Dippeo arratsaldea.
- Hilak 24, asteazkena. Skyjo karta jokoa.
- Hilak 25 eta 26. Zirku arratsaldea.
- Hilak Hilak 27, larunbata. Zentzumenen jolasa.
- Hilak 30, asteartea. Belarritako tailerra.
- Martindozenea
- Hilak 17, asteazkena. Asanblada.
- Hilak 18, osteguna. Topagunea.
- Hilak 19, ostirala. Josketa tailerra: estutxeak.
- Hilak 20, larunbata. Semaforo festa.
- Hilak 23, asteartea. Pizzak.
- Hilak 24, asteazkena. Topagunea.
- Hilak 25, osteguna. Futbol tenis.
- Hilak 26, ostirala. Hama 3D.
- Hilak 27, larunbata. Bilar txapelketa.
- Hilak 30, asteartea. Petanka.
