Haur danborradan parte hartzeko aukera dago oraindik
Lehen entsegua gaur arratsaldean izango da, Amute Auzo Elkartean, arratsaldeko 18:00etan. Danborrak biharko entseguan banatuko dituzte.
Amute Auzo Elkarteak 2025eko haur danborradan parte hartzeko deialdia zabaldu du. Izena emateko bi bide zabaldu ditu elkarteak: hurrengo galdetegia bete edota entsegu egunetan inskribatu daiteke. Izena, abizena, adina, helbide elektroniko bat eta telefonoa dira eman beharreko datuak.
Entseguak irailaren 4an (gaur) eta 5ean (bihar) egingo dituzte, 18:00etatik aurrera. Horiek ordubeteko iraupena izango dutela aurreratu dute eta Amuteko lokalean izango dira. Danborrak azken entseguan banatuko dituzte.
Egun handia, berriz, hilaren 7a izango da. Mendelutik abiatuko da danborrada, goizeko 11:15ean.
