Andrearriaga ibilbideko zirkulazioa eten egingo dute ostiralean
Ostiraleko 20:00etatik larunbateko 6:00etara moztuko dute trafikoa. Ibilgailu arinek beste kale batzuk zeharkatu beharko dituzte.
Irungo Udaleko Obretako, Mantentze Lanetako eta Azpiegituretako arloak jakinarazi duenez, Abiadura Handiko Trenaren (AHT) proiektuari dagokionean zenbait lan egin behar dituzte, eta, ondorioz, Andrearriaga ibilbideko zirkulazioa eten egingo dute.
Zehazki, Telleria kaleko pasabidea eraisteko prozesuan zenbait urrats eman behar dituzte, eta, hortaz, ostiraleko 20:00etatik larunbateko 6:00etara moztuko dute trafikoa.
Aipatutako etenaldi horrek Katea zeharkatzen duten autobusen ibilbidean izango du eragina, autobusek ez baitute izango Andrearriaga ibilbidetik pasatzerik, ezta ibilgailu ez arinek ere. Ibilgailu arinek, berriz, beste bide bat egin beharko dute: Bizkaia, Harmugarrieta, Nafarroa Beherea eta Errota kaleak zeharkatu beharko dituzte Andrearriaga ibilbidera itzultzeko.
