Itsas musika festa egin dute Musika eta Dantza Eskolako gaztetxoek

17:30ean abiatu da inauterietako kalejira. Piraten, itsas lamien, olagarroen eta itsasoko beste hainbat izakiren artean jo dute Kaxianoren 'Itsasontzi baten' abestia.

Ane Mendizabal Sarriegi

Hondarribia

2025/02/27

Hondarribiko Musika eta Dantza Eskolako gaztetxoenek hitzordu berezia zuten gaur arratsaldean; Inauterietako kalejira egin dute. Itsasoarekin zerikusia zuen pertsona, animalia, edo izakiz jantzi, instrumentuak hartu eta eskolaren parean elkartu dira denak. Entsegu azkar bat egin eta prest zeuden ikuskizuna eskaintzeko. Piratak, itsas lamiak, arrantzaleak, pinguinoak, olagarroak… sekulako mozorro festa egin dute.

Gurasoek ikusmin handia zuten, eta ibilbidearen alboetan ezarri dira, haurrak txalotuz eta animatuz. Dotore jo dute Kaxianoren Itsasontzi baten abestia.

Musika eta Dantza Eskolaren inauterietako kalejira 2025

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.