Bidasoa Atletiko Taldeko hamaika atleta Gailurren izango dira
Gaur hasiko da Gailurren (Madril) absolutu mailako Espainiako Short Track Txapelketa eta igandean bukatuko da.
Bidasoa Atletiko Taldeko hamaika atletek parte hartuko dute gaurtik igandera bitarte egingo den absolutu mailako Espainiako Short Track Txapelketan. Madrilgo Gallur pista estalian lehiatuko dira.
Klubetik jakinarazi dutenez “sasoi onean” daude bertako kirolariak. Azken asteetan lehia garrantzitsuetan parte hartu dute, Espainiako 23 urtez azpiko txapelketan edota Iberdrola Kopan, esaterako. Eta horietan marka pertsonal ugari eta zenbait finalista postu eskuratu dituzte.
Hauek dira txapelketan lehiatuko diren atletak: Victoria Briso (proba konbinatuak), Aitor Fernandez (proba konbinatuak), Malen Martinez (60 metro hesiak), Uxia Pereira (60 metro hesiak), Carla Arwen Martinez (60 metro), Alaine Aguerralde (200 metro), Irune Muguruza (400 metro), Ainhoa Idoiaga (800 metro) eta Lucía Valero (1.500 metro). Ikus ordutegiak eta zuzeneko emaitzak.
