Txingudi Ikastolako irakasle bat kondenatuta, sexu gehiegikeriagatik
Epaileak lau urteko espetxe zigorra, zazpi urteko inhabilitazioa eta hiru urteko urruntze agindua eman ditu. Irakaslea duela hogei urte ere epaitua izan zen beste adin txikiko batekiko sexu gehiegikeriagatik, baina absolbitu egin zuten.
Txingudi ikastola Pasa den hileko bigarren astean Txingudi Ikastolako irakasle bat epaitu zuten, ikasle bati sexu gehiegikeriak egitea egotzita. Gaur, epaileak jakinarazi du irakasleari lau urteko espetxe zigorra ezarri diotela, zazpi urte inhabilitatuta egongo dela eta hiru urteko urruntze agindua ezarri diotela. Horrez gain, epaiketaren kalte ordainak 6.000 eurorekin ordaindu beharko ditu. Sententzia ez da behin betikoa eta oraindik helegiteak aurkez daitezke.
Sexu gehiegikeriak 2016-2017 ikasturtean izan ziren, ikasleak 12 urte zituenean eta ikasleak 2021eko maiatzean erabaki zuen sexu gehiegikeria bere etxean kontatzea. Orduan, salaketa jarri zuen familiak.
Akusatuak bere burua errugabetzat jo zuen eta ikasleak ateak itxita egin zituen deklarazioak Gipuzkoako Epaitegietan. Irakaslea duela hogei urte 12 urteko beste neska batekiko sexu gehiegikeriagatik epaitu zuten baina absolbitu egin zuten
