Azken txanpan sartu da Burger Fest
Igandean bukatuko da Ficoban egiten ari diren Burger Fest. Hamabi postuz osatutako dastaketa festa da.
Burger Fest jaialdi gastronomikoa egiten ari dira Irungo Ficoban. Pasa den urtarrilaren 30ean hasi zen eta igande hoentan bukatuko da, hilak 9an. Guztira hamabi postu daude, horietako hamar hanburgesena da, beste bat gazta tartarena eta azkenak anoak jateko aukera eskaintzen du. Sarrera eta aparkalekua doakoak dira.
Espainiako eta Euskal Herriko hanburgesa egileak dira parte hartzaileak, eta antolakuntzak adierazi du mota guztietako hanburgesak egongo direla, hala nola smash burgerrak edota klasikoak.
Bestalde, haragiarekiko, arraza ezberdinekoak eta heldutasun maila desberdinetakoak izango dira. Aukera begetarianoak eta glutenik gabekoak ere bertan izango dira.
Musikak girotuko du jaialdia, eta Ficoba mahaiez beteko dute, janaria eserita jan ahal izateko. Eremua estalita dago eta eguraldiak ez du eraginik edukiko.
