Txingudi Errugbi taldeak jardunaldi berri bati ekingo dio asteburuan
Biok Txingudi taldeak Durango Ermarmotor taldearen kontra jokatuko du. Zaisa Txingudi taldeak Iruña taldearen kontra izango du lehia eta Txingudi/Baztan/Orereta 14 urte azpiko taldeak La Unicaren aurka joakatuko du.
Biok Txingudi eta Durango Ermarmotorren arteko partida Plaiaundin.Txingudi RT Biok Txingudi taldeak erronka berria izango du asteburuan. Durangon jokatuko dute larunbatean, 16:00etatik aurrera, Durango Ermarmotor taldearen kontra.
Une honetan Euskal ligako lehenengo mailako bosgarren tokian da taldea. Lau puntu bildu ditu bigarren fasean, partida bat irabazi eta bi galdu ostean. Durangarrek koska bat gorago daude sailkapen orokorrean, Biok Txingudik baino puntu bat gehiagorekin.
Zaisa Txingudi taldeak, bestetik, Iruñean jokatuko du asteburuan. 11. jardunaldia izango da jokoan.Orain artean zortzi puntu eskuratu ditu bidasoko taldeak, bi garaipen eta zazpi porrot izan ondoren. Nafarrak aldiz, igoera postuetan daude 33 punturekin.
Txingudi/Baztan/Orereta 14 urte azpiko taldeak Gipuzkoako ligako bigarren fasea hasiko du larunbat honetan. 10:30etatik aurrera La Unicaren aurka joakatuko du. Puntu erabakigarriak izango dira jokoan. Etxeko taldeak lehen bi postuetan sailkatzeko borrokatuko du.
Mattin Petrikorena, Txingudi/Baztan 16 urte azpiko jokalariak, beste asteburu batez Euskadiko selekzioarekin du hitzordua. Autonomia Erkidegoen arteko txapelketaren azkenengo jardunaldia jokatuko dute larunbatean, 16:30etik aurrera. Partida Madrilen izango da.
Bihar gauean (ostirala) Europako errugbi txapelketarik ezagunena hasiko da; sei nazioen partida. Gaueko 21:15ean Frantzia eta Galesen arteko partida izango da eta larunbatean bi norgehiagoka gehiago jokatuko dira, Eskozia eta Italiaren artean (15:15ean) eta Irlanda eta Ingalaterraren artean (17:45ean). Txapelketa osoa Txingudi Errugbi tabernan ikusi ahalko da.
