Ipuin parekideak, euskaldunak eta gazteak izan daitezen
Asun Casasola Ipuin Lehiaketaren X.edizioan aurkezteko epea otsailaren 8an bukatuko da. Antolatzaileek haien testuak aurkezteko gonbite berezia egin diete euskarazko egile eta gazteei.
Joan den azaroan argitaratuko albistean komunikatu bezala, Asun Casasola Ipuin Lehiaketaren X. edizioa martxan da, bertan testuak aurkezteko epea bukatzear delarik: otsailaren 8a izango da azken eguna. Aurtengo gaia zabala da: “indarkeria matxista” lantzea helburu, hura zeharkatzen duten gai guztiak aintzat hartuko dira. Hartara, antolatzaileek egileen parte-hartzea erraztu nahi izan dute. Lehiaketan aurkezteko egun gutxi falta diren honetan, dei berezia egin nahi diete egile euskaldun eta gazteei, haien testuak aurkeztera animatuz.
Gazteen kategorian 10 eta 16 urte bitartekoek parte har dezakete. Helduenean, berriz, 16 urtetik gorakoak sartzen dira. Testuak gaztelaniaz eta euskaraz aurkez daitezkeen arren, mundu osotik gaztelaniaz testu asko jasotzen dituztenez, euskarazko kategoria sustatu eta indartu nahi dute aurten.
Ipuinak korreo elektronikora bidal daitezke, baita aurrez-aurre edo postaz (BDS koop. Aixin Zolua Ibilbidea, 5 20304 Irun, Gipuzkoa, 20304) ere.
Helduen kasuan, 300 euroko saria jasoko dute kategoria bakoitzeko irabazleek; gazteek, berriz, 100 eurona, baita 50 euroan baloratua den liburu-sorta bat ere.
Informazio gehiagorako lehiaketako webgunera jo daiteke.
