Txirrindularitza martxa herrikoia, igandean
Mugikortasunaren Europako Astearen baitan antolatu da jarduera. Txirrindulariak 10:45ean irtengo dira Zabaltza plazatik eta erdialdeko kaleak zeharkatuko dituzte. Helburua da mugikortasun jasangarria eta osasuntsua sustatzea.
Irungo Udaleko Mugikortasun arloak bat egin du Mugikortasunaren Europako Astearekin, eta hainbat ekintza antolatu ditu azken egunetan. Hurrengo hitzordua iganderako (hilak 22) jarri dute. Udalak txirrindularitza martxa herrikoi bat ondu du, erdialdeko kaleetan barena ibiliko dena. Txirrindulariak 10:45ean irtengo dira Zabaltza plazatik, eta 13:00ak aldera bukatuko dute ibilbidea leku berean.
Martxa herrikoia ibilgailu motorizatuekin egingo da, eta txirrindulariek bi udaltzainekin osatuko dute ibilbidea. Udalak herritar guztiak animatu ditu martxan parte hartzera eta mugikortasun jasangarria eta osasuntsua sustatzera.
IrunBuseko autobus zerbitzuko lineen aldaketari dagokionean, Igandero jarduera egiten den igandetako berberak izango dira. Hortaz, bizikleta martxak ez du aldaketa berezirik eragingo.
