Bidasoa Bizirikek 'Bidasoa Digitalaren' edizio berri bat abiatuko du
Bidasoko eskualdeko hamabi enpresek parte hartuko dute Bidasoa Digitalaren edizio honetan, eraldaketa digitala bultzatzeko helburuarekin.
Enpresa txiki eta ertainen eraldaketa digitala bultzatzea helburu duen programa da Bidasoa Digitala. Edizio berri bat abiatu du Bidasoa Bizirikek. Orain artean programaren parte ziren sei enpresek jarraipena egingo dute eta horiei, sei enpresa berri batuko zaie.
Gipuzkoako Foru Aldundiak eta Bidasoa Bizirikek sinatutako hitzarmen baten barruan kokatutako programa da. Tokiko garapenean gobernantza kolaboratiboa sustatzeko sortu zuten, bereziki ETEen eraldaketa digitalean zentratuta. Hala, enpresek balio erantsia eman sortu zezaketen. Arrakasta ikusita edizio programari segida eman diote.
IETEAM Consulting enpresak zuzentzen du eta bi fasetan banatzen dute prozesua. Lehenengo fasean eraldaketarako bide orri bat prestatzen dute, egoeraren diagnostikoa eginez eta lan eremu posibleak aztertuz. Bigarrenean, berriz, proiektuak zehaztu, lehentasunak ezarri eta garatu egingo dituzte. Enpresa guztiek aholkularitza pertsonalizatua eskainiko zaie.
