Atxikiren Pilota Eskolak astelehenean irekiko ditu ateak
Irungo pilota taldeak prest du 2024-2025 ikasturteko programa. Hiriko gazteak esku pilotan eta palan trebatu ahal izango dira, eta hilaren 16, 19, 26 eta 30ean ate ireki saioak egingo dituzte.
Atxiki pilota taldeak prest ditu 2024-2025 ikasturteko Pilota Eskolako saioak. Atxiki Irunen pilota zaletasuna indartzeko asmoz jarri zen martxan, eta kiroltasuna, gozamena eta euskara uztartzeaz gain, talde kohesioa sustatzeko helburua dute.
Hirian pilota indartzeko, Pilota Eskolak ate ireki saioak egingo ditu hilaren 16, 19, 26 eta 30ean, Uranzu pilotalekuan, eta Atxikik Irungo gazteak gonbidatu ditu horietan parte hartzera. 16:00etan, 2011 eta 2012 urteen artean jaiotako gazteak arituko dira; 17:00etan, 2015 eta 2016 urteetan jaiotakoak; eta 18:00etan, aldiz, 2013 eta 2014 urteetakoak. Uranzura bertaratzen direnek esku pilota eta pala probatzeko aukera izango dute. Atxikiren jardueretan parte hartzeko eta horietan izena emateko, pilotalekura bertaratu beharko dira interesdunak.
