Ostiral honetan Grand Slameko finalerako txartelak jokoan
Iluntzeko 20:00etan hasiko da eguneko lehen finalerdia: Erik-Bailo Arbe-Oyhenarden kontra. Segidan, Bixente-Atain eta Etcheberry-Laborde arituko dira. Finala datorren ostiralean izango da, hilak 20.
![](https://bidasoa.hitza.eus/site/files/2024/09/jai-alive.jpeg)
Ostiral honetan, hilak 13, finalerdiak izango dira jokoan Hondarribiko Jostaldi pilotalekuan. Irabazleek datorren ostiralean, hilak 20, jokatuko den finalerako txartela eskuratuko dute.
Lehen partida 20:00etan hasiko da. Erik-Bailok (2 garaipen, 0 porrot) Arbe-Oyhenarden (1 garaipen, 1 porrot) kontra jokatuko dute. Hasiera batean gorriak (Erik-Bailo) dira partida hau mendean hartzeko faboritoak, orain artean bikain jolastu baitute.
Segidan, bigarren partidako jokalariak irtengo dira pistara. Bixente-Atain (2 garaipen, 0 porrot) bikotearen eta Etcheberry-Laborderen (1 garaipen, 1 porrot) kontrako partida izango da. Kasu honetan, ere gorriak dira faborito nagusi. Bixente-Atain Daniako 23-24 denboraldiko irabazleak izan ziren.
Sarrerak ohiko salmenta puntuetan erosi ahal izango dira, baita pilotalekuan bertan ere.