Beñat Bengoetxeak eta Nerea Sarriegik irabazi dute XLVI. Guadalupeko Igoera
Urteroko hitzordu garrantzitsua da Guadalupeko igoera. Aurten bi hondarribiar igo ziren podiumeko lehen koskara.
![](https://bidasoa.hitza.eus/site/files/2024/09/guadalupeko-igoera.jpg)
Iragan larunbatean, abuztuak 31n, egin zen Euskalduna Karrozeriak XLVI. Guadalupeko Igoera. Hondarribiko jaien aurretik gauzatzen den urteroko hitzordu handia da. Goizeko 10:30ean irten ziren lasterkariak Jostaldi Pilotalekutik eta Guadalupera doan errepidetik gora 4,72 km egin ondoren helmugaratu ziren lehenengo sailkatuak. Bi hondarribiar izan ziren podiumeko lehen koskara igo zirenak: Nerea Sarriegi emakumezkoetan eta Beñat Bengoetxea gizonezkoetan. Lehen hiru sailkatuak hauexek izan ziren:
Gizonezkoak
- Beñat Bengoetxea 17:11
- Jon Urtizberea 17:18
- Asier Martinez 17:26
Emakumezkoak
- Nerea Sarriegi 23:55
- Beatriz Males 24:05
- Itziar Gonzalez 26:00